SUMARFRÍ

Jæja þá er sumarfríið loksins byrjað :) er í heilar 5 vikur í fríi frá Rjóðri....
held að ég muni nú ekki halda út nema svona 3 vikur frá nuddinu, maður þarf að hugsa vel um kúnnana sína, sum þeirra hafa látið eins og lífið geti ekki haldið áfram hjá þeim án mín, held að það séu nú töluverðar ýkjur en ég held að ég kunni heldur ekki að vera í fríi mikið lengur!
ég hafði nú engar sérstakar áætlanir varðandi sumarfríið mitt, ætlaði að sjálfsögðu e-ð norður og svo bara slaka á.
Er líka búin að sverja við sjálfa mig að fara í gegnum skápana hjá mér á einhverjum rigningardeginum...
en það eru utanaðkomandi áhrifavaldar sem stjórna þessu svolítið hjá mér, ég fer til Akureyrar eftir helgi og verð þar framm að laugardag, elsku amma mín kvaddi þennann heim um daginn og mun þessi vika fara í að kveðja hana og fylgja til grafar.
Helgina eftir versló er svaka ættarmót planað og ég mun fara til Hólmavíkur og Drangsnes þá. Verður örugglega svakalegt stuð..
helgina þar á eftir ætlar Gunni frændi minn að ganga í það heilaga með Huldu sinni, og ég fer að sjálfsögðu þangað!
Þetta frí verður örugglega liðið áður en ég veit af :)
vonandi hafið þið það gott og liggið í leti eins og ég !

Til hamingju Hulda og Eyvindur

Laugardaginn 12 juli voru þau gefin saman úti í trjálundi við Breyðumýri í Reykjadal.
Þetta var yndisleg athöfn og kvöldið mjög skemmtilegt.
þetta var sko ekki afslöppunarhelgi hjá mér. keyrði norður á fimmtudaginn, beint upp á spítala til ömmu og kíkti svo aðeins í búststað hjá Tinnu og fjölsk.
Á föstudaginn fór ég í klippingu til Guðnýar vinkonu sem var svo sæt að gera mig fína þrátt fyrir að vera í sumarfríi.. Við Rósa fórum svo inn í fjörð og fengum lánaðann tjaldvagn og brunuðum yfir í Reykjadal þar sem allt var á fullu að undirbúa matinn og salinn. Við hjálpuðum aðeins til eftir að hafa tjaldað blessuðum vagninum. Anna Geirlaug litaði svo á mér augabrúnirnar og þá var ég orðin svo rosalega sæt og fín ;) Svo var komið að því að prinsessan á bauninni svæfi í tjaldvagninum, úff mér gekk svosem ágætlega að sofna en svaf bara svona sæmilega, bakið fann alveg að það var ekki í fína prinsessurúminu sínu :) en okey laugardagurinn fór í það skríða úti í skógi og klippa lyng, birki og fleira sem við notuðum svo í að skreyta salinn, sviðið sem athöfnin fór framm á og eins í brúðarvöndinn... Allt heppnaðist voðalega vel og vorum við mjög ánægð með útkomuna.. kvöldið var fínt eins og fyrr sagði, mikið hlegið enda ekki von á öðru það sem vinir og vandamenn þeirra eru nú annsi skrautlegir flestir...
klukkan var um 6 á sunnudagsmorgun þegar við skriðum að nýju inn í tjaldvagninn og prinsessan ég náði að sofa í 4 klukkutíma og gat ekki meir, vorum því búnar að pakka saman og komnar inn á Akureyri um 3 leitið, eftir heimsókn á spítalann til ömmu brunuðum við heimá leið og er óhætt að segja að augnlokin hafi verið orðin annsi þung síðustu kílómetrana... og dagurinn í dag fór aðalega í að jafna mig eftir svefnleysi og þreytu eftir helgina.
Eitt er á alveg á hreinu, ég á besta rúm í heimi og ég mundi vilja pakka því saman og taka með mér allt sem ég fer ;)

5 daga "helgarfrí"

Jæja þá er komið að því loksins að skella sér í kaupstað norðurlands, stoppa reyndar ekki mikið þar, er að fara í brúðkaup hjá Huldu og Eyvindi það er í Reykjadal á laugardaginn..
en legg af stað norður núna í hádeginu ca. ætla í heimsókn til ömmu í kvöld, á svo klippingu hjá Guðný vinkonu á morgun, og föstudagskvöldið fer í að skreyta salinn fyrir brúðkaupið..
Laugardagurinn að fínpússa skreytingarnar og vísa fólki á tjalstæði framm að brúðkaupi, skylst svo að það skuli vera stuð framm eftir nóttu... jæja best að halda áfram að hlaða í bílinn, Rósa er á leiðinni, eins gott að vera reddí þegar hún mætir :) og nú er bara að krossa puttana að það verði ekki rigning alla helgina, væri nú alveg típískt fyrst ég ætla að vera í tjaldvagni !!!!

GÆS! GÆS! GÆS!

Nokkrar svipmyndir úr gæsun Huldu sem var í gær :) Algjörlega frábær dagur

þarna er hún loksins komin heim rúmlega 1 í nótt, frekar ánægð og hress ;)

Hamingjan sanna á Hólmavík

ég keyrði norður í blíðskaparveðri, alveg frábært ferðaveður, músíkin í botni og ég ein í bílnum og naut þess að syngja með :)

á föstudagskvöldið var pub quiz í gamla bragganum þar sem ég man eftir að hafa farið í bíó og á ball þegar ég var yngri.

Á laugardeginum var veðrið kalt og stöku dropar, fórum að horfa á kassabílarallý og svo einhver skemmtiatriði sem voru aðallega fyrir börnin, og þar kom meðal annars Gosi og ég verð að segja mikið djö... er hann leiðinlegur og þessi köttur sem fylgir honum!!!

En aðalgamanið var að hitta alla ættingana sem voru þarna um víðann völl, suma hefur maður ekki hitt lengi og aðra séð á jarðaförum og fermingum sem er nú sem betur fer ekki oft (þeas jarðafaririrnar )

Á sunnudaginn eftir skemmtun og kaffihlaðborð á Sævangi ákvað ég að prufa aðra leið heim sem fólkið þarna keyrir gjarnan yfir sumartímann og styttir leiðina töluvert suður, ekkert mál að fara þetta á sumrin sögðu allir :)

én ég get svarið það að ég hélt að þetta yrði mitt síðasta, án gríns. Vegurinn var annaðhvort stórgríti eða drullusvað vegna rigningarinnar, hugsa nú að þetta sé mun auðveldara ef er alveg þurrt, þakkaði mínu sæla fyrir að vera á 4hjóladrifnum bíl í drullunni. en erviðast var að koma sér niðraf heiðinni, 16% halli á brekkunni og 90* krappar beigjur, ég fór þetta á hraða snigilsins.... er ekki viss um að ég keyri blessaða Tröllatunguheiðina aftur, allt of mikil spenna fyrir svona malbiksmanneskju eins og mig ;)

Vakin af blaðamanni

já svei mér þá held að þetta hljóti að vera eina skiftið á æfinni sem ég lendi í þessu að síminn vekji mig af værum blundi og það er blaðamaður í símanum :)
var ágætt því ég ekki farin að pakka eða neitt fyrir hamingjudagana...
well I'm off hér fyrir neðan er linkur á fréttina sem var ástæðan fyrir þessu!!

http://visir.is/article/20080627/LIFID01/212878826

Hamingjusöm á Hólmavík

Jæja þá er gamla konan ég að detta í 3ja daga helgarfrí og þrátt fyrir dýrann bensíndropann ætla ég að skella mér á Hólmavík. Þar eru Hamingjudagar (http://www.hamingjudagar.is/) um helgina og mér veitir ekki af að fara og vera innan um ættingja og njóta hamingju eina helgi eða svo.. vona bara að veðrið verði almennilegt. Fór síðast fyrir tveimur árum þá var rigning alla helgina!! En nú á að vera ágætis veður held ég!!

:) njótið ykkar um helgina hvar sem þið eruð :)